Skulens arbeid

Dette gjer barneskulen

Trygg
  • Besøk:
    • Alle barna blir invitert til ein besøksdag i juni månad før skulestart. Tilsette i barnehagen følgjer med barna. På besøksdagen får barna møta kontaktlæraren sin. På besøksdagen får alle barna ei kladdebok og ein skriveblyant. Skulen inviterer, sjå tidspunkt i køyreplan.
    • Barn som skal ha plass i SFO får besøka SFO også.
    • Kommande kontaktlærar besøker alle barna i barnehagen før sommarferien. (1-2 timar)
  • Boka om meg:
    • Barna har med seg "Boka om meg" til besøksdagen. Kontaktlærar brukar denne i opplæringa denne dagen, og ved skulestart.
  • Fadder:
    • Alle barna får ein fadder, ein elev ved skulen som passar ekstra godt på og leikar med dei. Fadderen er frå 4. eller 5.klasse.
  • Bli kjend:
    • Dei første vekene går klassen på tur til alle barna sin heim, slik at dei blir kjende med kvar alle bur.
    • For barn som bur for langt vekke, blir digitale verktøy brukt for å visa bustad.
Glede
  • Praktisk og variert arbeid:
    • Praktisk variert arbeid skal vera vektlagt i 1.klasse, gjerne gjennom stasjonsarbeid.
    • Arbeidsoppgåvene gir variasjon i personlege karakterdugleikar barna må ta i bruk og utvikle.
    • Organisering og gjennomføring skal særleg ta omsyn til at dugleiken tålmod (evne til konsentrasjon) oftast er mindre utvikla for ein 5 - 6-åring, enn eit eldre skulebarn.
Førebudd
  • Tid og ro:
    • Det skal vera nok "luft i dagen" til at barna får vera med og samskapa eiga læring.
    • Ein skal unngå stresskjensle for barna i 1.klasse.
  • Orden og system:
    • Det skal brukast tid på å læra barna gode rutinar for orden og system, og oppfølging av dette, slik at barna seinare kan ha meir fokus på fagleg utvikling og progresjon.
  • Sjølvregulering: 
    • Psykologisk førstehjelp og toleransevindu blir brukt som verktøy for å hjelpa barna til å handtera eigne kjensler.
  • Grunnleggjande dugleikar:
    • Dei grunnleggjande dugleikane å lesa, skriva, rekna, digital og munnleg dugleik skal vera vektlagt i opplæringa.
    • Lærarane bruker Språkløyper.no som kompetanseressurs for språk, lesing og skriving.
    • Fokus på fag kjem meir inn i 2.klasse.
  • Leseopplæring:
    • Skulane brukar same omgrepsmodell som barnehagane.
    • Skulane har felles progresjon for bokstavinnlæring. Denne følgjer nyare forsking som tilrår innlæring av 2-3 bokstavar i veka, som hovudregel. Lærar må tilpasse til sine elevar.
    • Alle skulane brukar det forskingsbaserte treningsopplegget "På sporet" for å hjelpa elevar som strevar med leseutviklinga.
  • Lekser/heimearbeid:
    • Lesing skal vera prioritert område for heimearbeid i heile 1.klasse.
    • Første halvår skal barna berre ha lesing som heimearbeid.
    • Tid brukt på lekser skal bli tilpassa kvart barn, i dialog med føresette. Retningsgivande kan vera 10 - 20 minutt effektiv tid.