I samhøve til Nasjonal forskrift for bruk av motorkøyretøy i utmark og på islagte vassdrag § 5 punkt a, vert det utlyst 14 ervervsløyve (leigekøyringsløyve) for snøskuter i Sauda kommune i perioden 01.01.2026-31.12.2028.
Søknadsfristen er sett til 17. oktober 2025.
Utval for areal, næring og kultur vedtok i møte 19. november 2024, sak 062/2024, nye kommunale retningslinjer der det vart innført nytt punkt at avtale om leigekøyring/ervervsløyve kan inngåast for 3 år om gangen innanfor fastsett område. Nasjonal forskrift presiserer at det gjeld fastbuande som i ervervsmessig øyemed vil ta på seg transportoppdrag.
Alle som ønskjer å få tildelt slikt løyve for kommande treårsperiode må søkje, også dei som har hatt løyve tidlegare. Tildelinga vil skje før jul.
Søknadsskjema er tilgjengeleg på kommunen si heimeside.
Kommunale retningslinjer finn du her:
Kommunale retningslinjer for bruk av beltegåande kjøretøy vinterstid 2025 - 2029 - Sauda kommune
For spørsmål eller meir orientering rundt ordninga, ta kontakt med Sauda kommune ved landbrukskontoret.