Samla faglege vurderingar frå AFRY, Framtidas oppvekst fase 2

Kommunen har utarbeidd ein heilskapleg rapport som vurderer ulike alternativ for utvikling av barnehage- og skulestrukturen. Rapporten byggjer på analysar av funksjonelle krav, byggtekniske forhold og økonomi, og gir eit fagleg grunnlag for vidare politiske vurderingar og prioriteringar. Målet er å sikre gode og berekraftige løysingar for barn og unge i kommunen, både på kort og lang sikt.

Sjølv om oppdraget til AFRY ikkje har vore å gi ei konkret tilråding om framtidig skulestruktur i Sauda kommune, har dei likevel peika på ei fagleg anbefaling basert på vurderingar av byggtekniske forhold og økonomi. Norconsult har tidlegare gitt si faglege tilråding med utgangspunkt i kvalitetskriterium. Begge konsulentfirmaa peikar i same retning i sine vurderingar.

Med dette har konsulentfirmaet levert alle sine rapportar til kunnskapsgrunnlaget.

Kva skjer vidare nå?

Kommunestyret får eit kunnskapsgrunnlag til orientering i juni-møtet. Det er sett av midlar i 2027 og 2028 til ein fase 3 i prosjektet Framtidas oppvekst. Det er kommunestyret som definerer kva innhaldet i fase 3 skal vere.

Samla rapport barnehage og skule, fase 2 (PDF, 533 kB)

Oppsummering alle kostnader (PDF, 254 kB)