Ekstern vurdering ved Fløgstad skule

Oppvekst i Sauda har eit samarbeid med Suldal og Vindafjord om eit system for kvalitetsutvikling. Systemet inneheld fleire element, og eit av dei er ekstern vurdering.

Dette inneber at eit team frå ein av nabokommunane kjem til barnehagen/skulen for å vurdere kvaliteten på arbeidet som blir gjort.

Vurderinga tar utgangspunkt i det kompetanseutviklingsarbeidet barnehagen/skulen held på med, og det barnehagen/skulen sjølv har definert som sine målsettingar.

Vurderingsteamet er på skulen i tre dagar, og snakkar med elevar, tilsette, føresette og leiing. Dei analyserer og vurderer dokumentasjon og gjennomfører observasjonar.

Basert på ein samla analyse og vurdering lagar dei ein rapport som gir barnehagen/skulen tilbakemelding på kva dei er gode på, og grep dei kan gjere for å bli betre.

Sauda kommune

Her kan du lese rapporten frå Fløgstad skule: https://www.sauda.kommune.no/_f/p14/i1bae2592-fcd5-4416-979c-d3d3fb593604/ekstern-vurdering-flogstad-skule_2025.pdf

Nå har alle barnehagar og skular i Sauda hatt ekstern vurdering, og her kan du lese alle rapportane og finne annan informasjon om stoda i barnehagane og skulane våre: https://www.sauda.kommune.no/tjenester/oppvekst/barnehage/ung-kraft-pedagogisk-arbeid-samarbeid-og-resultat/tal-resultat-og-rapportar/

Neste år startar me på runde to med ekstern vurdering i Sauda.

 

Publisert 21.11.2025 08.41
Sist endret 21.11.2025 11.52