Prosjektorganisering og medverknad

Arbeidet i fase 2 er organisert med ei prosjektgruppe med deltakarar som har stor fagleg breidde, og med sterk involvering av fagrørsler.

Avklaring av roller og medverknad i fase 2 av prosjektet: 

Konsulentfirmaet AFRY sitt oppdrag er å gjere faglege vurderingar av den bygningsmessige tilstanden ved barnehagar og skular, samt skissere moglege løysingar på eit overordna nivå. Vurderingane deira handlar om bygg, kapasitet og teknisk tilstand. AFRY skal ikkje ta stilling til kva barnehage- eller skulestruktur kommunen bør velje, og dei gir derfor heller ikkje ei tilråding om struktur. Det er i hovudsak fagfolk frå teknisk som har bidrege med innspel til AFRY i arbeidet, om teknisk tilstand på bygg. Prosjekteigar og prosjekteigar har bidrege med avklaringar når det kjem til kva kapasitet det er behov for i barnehagar og skular, tal klasserom m.m, som utgangspunkt for AFRY sitt byggtekniske arbeid og utrekning av kostnadar.  Uansett val av struktur vil det vere behov for ein fase til med detaljplanlegging på desse områda, og då vil pedagogisk personale vere viktige ift å gi innspel til korleis innhald i framtidige barnehage- og skulebygg skal vere. 

Prosjektgruppa sitt oppdrag er å analysere og vurdere dei ulike strukturalternativa ut frå eit breiare fagleg perspektiv enn det byggtekniske. Det handlar mellom anna om pedagogiske, organisatoriske, økonomiske og samfunnsmessige forhold. Prosjektgruppa fungerer dermed som vurderingsteam i arbeidet med å belyse konsekvensar av ulike strukturalternativ, og gir sine faglege innspel vidare til styringsgruppa (strategisk leiargruppe), som arbeider vidare med saka fram mot endeleg saksframlegg.

Samarbeidsutval og fagrørsler får invitasjon til å leggje ved uttale/innspel til saksframlegget.