• SFO-året startar måndag nærast 01.08, årleg.
• Barnehageplassen blir automatisk avslutta 31.07. Foreldrebetaling opphøyrer frå og med 30.06, juli er betalingsfri månad i barnehage.
  • Ein treng ikkje å seia opp barnehageplassen ved overgang til skulestart.
• For barn utan fast plass i SFO, kan føresette søkja om plass enkeltdagar/veker frå og med SFO-året sin oppstart. Plass tildeles ved ledig kapasitet.

SFO (skulefritidsordning) er for elevar i 1. - 4.klasse. For elevar med særskilte omsorgsbehov kan det bli gitt plass til og med 7.klasse.

• SFO Sauda følgjer nasjonal rammeplan. Overordna føringar:
  • SFO skal leggja til rette for leik, kultur- og fritidsaktivitetar som er tilpassa barn i ulik alder og med ulikt funksjonsnivå.
  • SFO skal, gjennom innhald og arbeidsmåtar, leggja til rette for god samhandling i barnegruppene, mellom enkeltbarn og mellom vaksne og barn.
  • Barna skal ha gode vilkår for medverknad i SFO.
• Kvar SFO har sin eigen årsplan, der det kjem fram korleis dei jobbar for å møta krav i nasjonal rammeplan for SFO.

• SFO har ope frå klokka 07.00 (ved påmeldte barn), og frå etter skuletid og fram til klokka 16.00 kvar dag.
• SFO har ope 11 månadar i året. Barn som har plass i SFO vil ha tilbod i alle skulen sine feriar og fridagar. Unntak er julafta, nyttårsafta, onsdag før skjærtorsdag og fem av skulen sine planleggingsdagar.
• Føresette kan søkja om plass i skulens sine feriar for barn som ikkje har plass til vanleg. Dei vil kunne få plass ved ledig kapasitet. Skulen vil sende ut søknadsskjema i forkant av kvar ferie.
• Føresette kan også ta kontakt med skulen og be om å få kjøpa dagsplass for barn som ikkje har plass til SFO til vanleg. Dette er meint som eit ekstra-tilbod ved særlege behov. Barna vil kunne få plass om det er ledig kapasitet.  Behov må vera meldt inn i så god tid som mogleg. 

• Barn i 1. og 2. klasse har frå skuleåret 2023-24 gratis plass i SFO 12 timar per veke. Dette er frå etter skuletid og fram til klokka 15.30 måndag - torsdag, og fram til klokka 15 fredag. Føresette til barn i 1. og 2.klasse melder på denne ordninga via vanleg søknadsskjema. Ein kan i tillegg velgja betalt morgon-SFO og utvida tid til klokka 16.00, kvar dag.
• I Sauda kommune kan barna ha plass i SFO 60 %, 80%  eller 100 %.
  • 60 % plass er tre faste dagar kvar veke, 80 % er fire faste dagar. 
• Barna kan ha plass både morgon og/eller ettermiddag.
  • Om føresette søkjer om både morgon- og ettermiddags-SFO, må same plass-storleik bli valt:
    • Eks. 80 % plass = er 80 % morgon-SFO (4 dagar) og 80 % ettermiddag (4 dagar).
    • Dagane ein vel er dei same for morgon- og ettermiddag. 

SFO har eigne, tilpassa lokaler ved skulane. Dei brukar også andre rom i skulane, som kjøkken, gymsal, kunst- og handverkssal m.m.

I skulen sine feriar er SFO som hovudregel samlokalisert ved ein eller to skular.

Retten til skuleskyss gjeld ikkje for SFO. Føresette bringar/hentar sjølv.